納粹化？銀行禁止巴藉港人開戶口

来源：每日一膠．荒謬的香港

有線電視報導，香港金管局最新的秘密規定，尼泊爾同巴基斯坦的人士，即使係持有香港三粒星的身份證，在全香港的銀行都開唔到戶口，既有人連出糧戶口都開唔到，更有學生連交學費的戶口都開唔到。
唔知咩人成日係度吹，話香港冇種族歧視問題呢？原來話佢地係「恐怖主義國家」，就唔畀佢地開戶口！WOW！生活在香港，持有三粒星都唔畀佢地開銀行戶口，簡直可以同當年希特拉打壓猶太人的措施相比呀！
所以說香港已經變成了中共的殖民地，因為香港人的身份原來係冇用的－－香港的香港人，原來只要沒有中國籍，就要接受這種不之所謂的歧視！簡直就係荒謬到冇人敢相信！
哦，財政司話搞伊斯蘭金融？哈哈哈，連戶口都唔畀人開，搞咩伊斯蘭金融呢？
又突發更新：金管局稱從無監管指引要求本港銀行不可為個別國籍人士開戶
睇完再爆笑！電視影住銀行拒絕客戶，講明係金管局指引，事後金管局可以話冇。
咁證明左乜野呢？
可能性一：金管局講大話
可能性二：銀行講大話
如果係前者，唔需要多講，大家都知我想講乜；如果係後者？咁我地都要再追問下，金管局究竟有冇監管過銀行呢？
點解雷曼會搞成咁？幾個月前有好幾個人留言話金管局監管得好好果 D，大家未睇下囉！實在監管得太好啦！你睇下只係投訴到幾十宗，電視台上門錄影都見得到，金管局都可以唔知，都可以唔管喎。
不如話開戶口涉及風險，又或者生存涉及風險，市民要考慮過先在香港生活呀笨！